التصنيف: غير مصنف

بعد الثورة الصناعية والتقدم التكنولوجي كل حاجة اتطورت حتى الارضيات الرياضية اتطورت ولو بتفكر تعمل ملعب رياضي لازم تكون على علم بكل حاجة في المشروع اللي هتعمله والارضيات لازم تكون علي علم بيها.

الارضيات انواعها كالأتي :

1 – ارضيات النجيل الصناعي

ارضيات النجيل الصناعي بتكون عبارة سجاد بيتكون من كذا طبقة ، الطبقة الاساسية فيه هي طبقة البادة والطبقة الثانوية هي الشعيرات اللي بيتم خياطتها في البادة ودي احد اشكال ارضيات النجيل الصناعي .

 

2 – ارضيات النجيل الطبيعي

النجيل الطبيعي عبارة عن عشب خفيف بيتم زراعته تحت ظروف معينة وبيتم زراعته في مكان الملعب او بيتم زراعة النجيلة الطبيعية في مكان خاص وبيتم قطعه وتركيبه في مكان الملعب وبيتكون من الطبقة الرئيسية وهي التربة والطبقة الثانوية وهي العشب الطبيعي وده شكل النجيله الطبيعية قبل التركيب .

3 – ارضيات الترتان

الترتان عبارة عن حبيبات مطاطية بيتم خلطها مع المواد الكيميائية تحت ظروف معينة علشان تطلع ارض مطاطية سليمة وبيستخدم الترتان في ملاعب كرة السلة وملاعب التنس وملاعب الكرة الطائرة وبيتكون الترتان من اكثر من طبقة اولها الحبيبات المطاطية ومواد الخلط الكيمياوية وطبقة الالوان وطبقة التنعيم ودي احد عينات الترتان قبل تركيبها .

4 – ارضيات الاكريليك

ارضيات الاكريليك تعتبر هي نفس مواصفات الترتان واللي بيكون اسمها الارضيات المطاطية واللي بتستخدم برضو في ملاعب كرة السلة والتنس وملاعب الكرة الطائرة وبيتكون الاكريليك من نفس طبقات ارضيات الترتان ولكن بينقص الطبقة الاخيرة وهي الطبقة اللي بتدي نعومة للأرضية وده شكل ارضيات الاكريليك .

5 – ارضيات ملاعب الجولف

نادرا لما بيحاول مستثمر صغير إنشاء ملعب جولف ولكن ارضيات الجولف ممكن تكون ارضيات نجيل طبيعي وممكن تكون ارضيات نجيل صناعي وفي بعض ملاعب الجولف الصغيرة ترتان او اكريليك وده شكل ارضيات الجولف .

6 – ارضيات الاسكواش

ملاعب الاسكواش بقت منتشرة الفترة الاخيرة وده لانه مشروع هايل ومربح وسهل وغير مكلف زي ارضيات ملاعب كرة القدم ارضيات الاسكواش بتكون نوع من انواع ارضيات الباركيه مدعوم بطبقة ناعمة بتساعد اللاعب انه يتحرك بسهولة وبتتكون الارضية من طبقة التجهيز الاولية اللي هي بتكون سواء اسمنتية او اي طبقة علشان يتم تركيب ارضية الباركيه ودي شكل ارضيات الباركيه .

7 – ارضيات الفوم

لو هنتكلم اننا لازم الرياضة ننميها عند الاشبال الصغيرين دلوقتى ارضيات الفوم مناسبة جدا للأطفال في الحضانات والمدارس لانها بتكون ارضيات خفيفة جدا على الاطفال وبتمنع احتكاكهم بالارض علشان الاصابات ودي صورة من ارضيات الفوم .

كدة اتكلمنا بشكل كامل على ارضيات الملاعب الرياضية لو عندك اي استفسار عن مشروع الملاعب الرياضية اكتبلنا تعليق وهنرد عليك ونشرحلك كل حاجة في اسرع وقت .

متابعين معاكم زي ما وعدناكم اننا هنكون معاكم خطوة بخطوة في إنشاء مشروع ملعب رياضي وعرضه للإيجار.

طبعا زي ما اتكلمنا في المقالة اللي فاتت عن فكرة إنشاء المشروع بطريقة بسيطة لكن انهاردة هنبدأ خطوة خطوة في بداية إنشاء المشروع وهي انواع الملاعب الرياضية .

الطبيعي عندنا اننا نعرف رياضية كرة القدم والغالبية من الناس مش عارفة انه احنا عندنا اكتر من 20 نوع رياضة وكل نوع ليه ملاعب رياضية بتتلعب عليه خلينا ناخد شوية امثلة وهنبدأ بالمشهور طبعا وهي رياضة كرة القدم ودي رياضية ليها ارضيات مخصصة زي ارضيات النجيل الطبيعي ودي اسمها المشهور ملاعب كرة القدم النجيل الطبيعي وبعد الثورة الصناعية في التكنولوجيا بدأت الفيفا تطلع حلول بديله وتطور كل المنتجات اللي بتساعدها في انها تحقق اعلى جودة في المشاريع الرياضية وبدأت في انتاج وتصنيع منتجات النجيل الصناعي او زي ما كان اسمه النجيل البديل وانتشرت في السنوات القليلة الماضية منتجات النجيل الصناعي وبدأت الشركات والمنظمات الرياضية في انشاء ملاعب كرة القدم بمنتجات النجيل الصناعي زي ملعب Levi’s Stadium وده في مدينة سان فرانسيسكو وتم تجهيزه بالكامل بخامات النجيل الصناعي ونوع الملاعب دي اسمها ملاعب النجيل الصناعي او ملاعب العشب الصناعي برضو وعند معظم العرب ملاعب الثيل الصناعي او العشب الإصطناعي وبيتم العمل بمنتجات النجيل الصناعي في بعض انواع الرياضيات برضو زي كرة القدم الامريكية ورياضة الهوكي .

النوع الثاني من انواع الرياضات وهي رياضة التنس والكرة الطائرة ودي بتحتاج نوع مخصص من انواع الملاعب الرياضية واسمها ملاعب الترتان او الملاعب المطاط وليها مشتقات تانية زي ملاعب الاكريليك والاسم الشائع لها بين العرب هي ملاعب التنس او ملاعب الترتان الصناعي والملاعب دي بتختلف عن ملاعب النجيل الصناعي او النجيل الطبيعي انها ملاعب متعددة وبيتم تخطيطتها بسهولة وبتكون مساحة الملاعب صغيرة عكس ملاعب كرة القدم .

النوع التالت معانا زي رياضة الإسكواش ودي رياضة عالمية وليها اتحاد مصري كمان مشرف عليها ومصر اخدت مراكز اولى في بطولات دولية كتيرة وملاعب الاسكواش ليها مساحات نموذجية صغيرة ودي بتكون فرصة عظيمة لاصحاب المحلات والمساحات الشاغرة وبتتكون ملاعب الاسكواش من حوائط مبدئية وحوائط بلاستر وبعد كدة بيتغطي بحوائط زجاجية وبتكون ارضيات ملاعب الاسكواش من الخشب وليها انواع معينة من الخشب وتعتبر شركة McWil هي من الشركات الرائدة في مجال تجهيز الملاعب الرياضية والتي تستعين بها بعض الشركات في انشاء ملاعب الاسكواش في مصر .

النوع الرابع معانا وهي رياضة الجولف ودي برضو مش بتحتاج مساحات واسعة لكن كل ما كانت المساحة واسعة كان اللعب افضل وبتتكون ملاعب الجولف او الغولف زي ما بيسميها معظم العرب من ارضيات من النجيل الطبيعي او النجيل الصناعي وليها تخطيط خاص بيها وبدأ معظم اصحاب الفيلات والقصور والحدائق في تجهيز المساحات الشاغرة امام منازلهم بملاعب جولف نظرا انها من الرياضات الفردية او الثنائية او الجماعية المميزة جدا .

في انواع كتير من الرياضات برضو ممكن تتلعب على ارضيات النجيل الصناعي او النجيل الطبيعي او الارضيات المطاطية زي ركوب الخيل والعاب القوى والالعاب الدفاعية واستخدام الاسلحة وفي برضو رياضة الجري على التراكات المطاطية وبرضو العاب الرماية بأنواعها اللي ممكن تكون تكون ارضيتها مطاطية او نجيل صناعي او نجيل طبيعي وممكن يكون باركيه كمان زي ملاعب ارضيات ملاعب الاسكواش وده بيكون على حسب احتياج اللعبة ورؤية الشركة المنفذة المتخصصة في هذه اللعبة .

كدة اتكلمنا عن انواع الرياضات اللي ممكن نستفيد منها في مشروع انشاء الملعب الرياضي يعني دلوقتى تقدر تعمل ملعب كرة قدم خماسي بالنجيل الصناعي او النجيل الطبيعي وممكن تعمل ملعب متعدد زي التنس او الطايرة او كرة السلة على ارضيات الترتان او زي ما بيتقال عليها الملاعب المطاطية وكمان ممكن لو عندك مساحة داخل مبني متوسطة تقدر تعمل ملعب اسكواش او ملعبين وده هيكون طبعا استغلال مفيد جدا للمساحة المتاحة عندك وده مش هيكون مكلف برضو وممكن تعمل ساحة لألعاب القتالية زي الكراتيه او الكونج فو او العاب الرماية وده طبعا حسب رغبتك في الاستثمار يارب تكون المعلومات مفيدة ليكم .

لو عندك اي استفسار او اي موضوع حابب نتكلم فيه سواء كان في ملاعب النجيل الصناعي او ملاعب الترتان او ملاعب الاسكواش والجولف اكتب تعليق بالموضوع اللي حابب تعرفه وهتلاقينا بنساعدك لحد لما تعمل مشروعك .

انهاردة مع جراس ايجيبت هنقولكم عن مكونات الملعب الرياضي وكيفية انشاء ملعب خماسي علشان تكون واضحة ليك لما تيجي تعمل دراسة لمشروع ملعب كرة قدم .

مشروع إنشاء ملعب كرة قدم خماسي بيتكون من نقاط مهمة جدا

1 – اختيار الارض

2 – الاعمال المدنية

3 – طبقة العزل

4 – اعمال الحدادة

5 – اعمال الكهرباء

6 – اعمال الشبك

7 – اعمال النجيل الصناعي

اختيار الارض

علشان تبدأ مشروع ملعب كرة قدم لازم تكون عارف انت هتعمل ملعب لأي غرض من الاغراض يعني هتعمل ملعب خماس ولا هتعمل ملعب سداسي ، سباعي ، ثماني ولا هتعمل ملعب قانوني دولي 11 لاعب .

وطبعا كل نوع من انواع الملاعب ليه مساحة وليه مواصفات معينة ونوع ارضية معينة وده كنا اتكلمنا عنه في المقالة الخاصة بالمساحات القانونية لملاعب كرة القدم .

تعرف على  المساحات القانونيه لملاعب كرة القدم

الاعمال المدنية

الملعب بيبدأ من مرحلة الصفر بعد مرحلة اختيار الارض زي ما قلنا قبل كدة وعلشان الارض بتكون انواع زي الاراضي الرملية والاراضي الطينية والجبلية احنا لازم نعمل عمليه للتهيئة ودي او خطوة بتتعمل في الارض وهي انك بتجهز الارض علشان تكون صالحة لبداية مشروع ملعب كرة القدم وبتكون الطبقة دي اسمها طبقة الاعمال المدنية ودي بيتم فيها انك بتعمل عملية سفلتة للارض لكن بدون اخر طبقة اللي هي طبقة الاسفلت وهنتكلم بالتفصيل في مقالة خاصة للاعمال المدنية في الايام القادمة.

طبقة العزل

الطبقة التانية بعد الاعمال المدنية وهي طبقة المطاط ودي طبقة ناس كتير مش بتعملها في الملاعب الخماسية علشان مكلفة لكن هي ضرورية لانها بتكون من اساسيات الملاعب الدولية ودي بتكون طبقة مطاطية من الرابر بتكون بعد طبقة الاعمال المدنية مباشرة وفي الوقت الحالي متاح استبدال الطبقة دي بخامات تانية زي الرمل الحلواني والموكيت الاسفنجي وخلافه.

اعمال الحدادة

وبعد كدة بندخل في مرحلة اعمال الحدادة ودي بتكون طبعا ليها مواصفات معينة علشان تكون مناسبة لعوامل الجو والتربة وبتكون اعمال الحدادة مهمة علشان دي مرتبطة بأعمال الكهرباء واعمال الشبك الحدادة بتكون عبارة ابراج للكهرباء وعواميد للشبك وعوارض المرمى .

اعمال الكهرباء

هندخل في العملية اللي بعد كدة وهي اعمال الكهرباء ودي برضو ليها مواصفات خاصة علشان تقدر تعمل اضاءة مثالية للملعب لان ده شيئ مهم لراحة اللاعبين والاضاءة ممكن تكون ميتا لايت او ممكن تكون اضاءة ليد ويفضل انك تعمل اضاءة ليد علشان اقل تكلفة واقل استهلاك للكهرباء وكمان مش بتحتاج صيانة زي الميتا لايت وبالنسبة لمصدر الطاقة انت ممكن تجيب مولد كهرباء او تعمل ممارسة مع شركة الكهرباء او تعمل نظام للطاقة الشمسية.

اعمال الشبك

اعمال الشبك ودي مهمتها تحديد الملعب والحفاظ عليه والشبك ليه انواع زي الشبك الحرير والقطني والصوف وكمان في انوع اشد شوية وهو الشبك المجلن وده بيكون شبك حديد الشبك في كل حالاته بيتقطع مع الاستهلاك لكن من الافضل تختار النوع الاكتر تداول وسعره كويس في حالة الاستثمار.

اعمال النجيل الصناعي

ونيجي للمرحلة الاخيرة وهي اعمال النجيل الصناعي او النجيل الطبيعي او الترتان او الاكريليك او الحمرة او الباركيه ودي طبعا بتكون اخر اعمال الملعب وهنتكلم عليها فيما بعد ، لكن النجيل الصناعي في حالة انشاء مشروع ملعب نجيل صناعي خماسي فهو افضل اختيار عن النجيل الصناعي لانه طبعا بيكون على مدى الاستثمار مفيد لانك بتعمل مشروع صيانته اقل وتكلفه تأجيره للاعبين اعلى من الانواع الاخرى وكمان العمر الافتراضي لملعب

النجيل الصناعي الخماسي بيكون 6 – 8 سنوات وده طبعا حاجة كويسة للمستثمر الصغير .

تعرف ايضا على  اسعار النجيل الصناعي في مصر

كدة نكون انتهينا من مكونات مشروع إنشاء ملعب كرة قدم نجيل صناعي خماسي ويارب تكونوا استفدتوا منه .

لو عندك اي سؤال سيب تعليق وهنرد عليك في المقالة اللي جاية .

 استنونا المقالة اللي جاية ومعلومات جديدة في مشروع انشاء ملعب رياضي .

لو كنت كمان بتفكر تعمل ملعب رياضي قبل ما بتختار الارض اللي بتعمل عليها الملعب المفروض بتكون عارف المساحات المناسبة للملعب اللي هتعمله .

انهاردة مع جراس ايجيبت هنساعدكم في تحديد المساحات المناسبة للملاعب بكل انواعها وهنبدأ بمساحة ملاعب كرة القدم . .

مساحة ملاعب كرة القدم الخماسية :
المساحة القانونية الدولية للملعب الخماسي : 22 * 42 متر مربع يعني اجمالي المساحة القانوية للملعب الخماسي 924 متر مربع وبيكون التراك ( 50 – 100 ) سم ودي بتكون انسب مساحة لملاعب كرة القدم الخماسية الدولية ضمن قوانين الفيفا والملعب بتكون قدرته الاستيعابية للاعبين حوالي 5 – 6 افراد في الفريق الواحد .

تاني مساحة معانا وهي المساحة القانونية المصرية للملعب الخماسي : 18 * 38 متر مربع وده بيكون بإجمالي مساحة 684 متر مربع وبتكون مساحة حوالي 50 سم ودي تعتبر المساحة المعتمدة من خلال وزارة الشباب والرياضة المصرية وبتكون القدرة الاستيعابية للملعب 5 افراد كحد اقصى في الفريق الواحد .

نيجي للمساحة المتوسطة لملاعب النجيل الصناعي الخماسية ودي بتكون 20 * 40 متر مربع وبإجمالي 800 متر مربع ودي مساحة متوافقة مع مساحة الملعب الخماسي القانوني الدولي ومساحة الملعب الخماسي القانوني المصري وبتكون مساحة التراك حوالي 50 سم وبتكون القدرة الإستيعابية للملعب حوالي 5 افراد في الفريق الواحد .

كدة اتكملنا عن الملعب الخماسي بكل مساحاته ودي المساحات اللي تقدر تبدأ عليها ملعب خماسي .

مساحة ملاعب كرة القدم السداسية :
هبدأ كالعادة بالمساحة القانونية الدولية لملعب كرة القدم السداسي وبتكون 27 * 47 متر مربع ودي المساحة الدولية المعتمدة من الفيفا ودي بتكون بإجمالي مساحة 1269 متر مربع ودي بتكون مساحته الاستيعابية حوالي 6 – 7 افراد في الفريق الواحد وبيكون التراك الخاص بالملعب حوالي ( 50 – 100 ) سم وده يعتبر افضل مقياس للملعب السداسي .

اما لو هنتكلم عن الملعب السداسي القانوني المصري هتكون المساحة بتاعته 24 * 44 متر مربع وده يعتبر اقل مساحة للملعب السداسي وبتكون اجمالي مساحته حوالي 1056 متر مربع وبتكون طاقته الاستيعابية لاتزيد عن 6 افراد في الفريق الواحد وبتكون مساحة التراك حوالي 50 سم في جميع اتجاهات الملعب السداسي .

ولعشاق المساحات الوسطية هنقول ان متوسط المساحة الخاصة بالملعب السداسي هتكون 25 * 45 متر مربع بإجمالي مساحة 1125 متر مربع وده بيكون طاقته الاستيعابية حوالي 6 افراد فقط في الفريق الواحد وبتكون مساحة التراك حوالي 100 سم في جميع الاتجاهات الخاصة بالملعب .

مساحة ملاعب كرة القدم السباعية :
ملعب كرة القدم السباعي نادرا ما يتم استخدامه في المشاريع الاستثمارية الصغيرة ويحتاج لرأس مال متوسط حتى يتم إنشاءه وبيكون من الصعب على الشباب انهم يستثمروا فيه لكن مش مستحيل ولكن مشروع عظيم جدا للمستثمر الصغير اللي ممكن يبدأ الملعب السباعي وخاصة انه اقل انتشار من الملاعب الخماسية والسداسية .

هنبدأ بالمساحة القانونية الدولية المعتمدة من الفيفا لملاعب كرة القدم السباعية وبتكون 35 * 55 متر مربع وبتكون بإجمالي مساحة 1925 متر مربع وبيتكون قدرته الاستيعابية حوالي 7 – 8 افراد في الفريق الواحد وبتكون مساحة التراك الخاصة بيه ( 100 – 150 ) سم وده بيكون على جميع اتجاهات الملعب الطول والعرض .

اما بقى بالنسبة للمساحة القانونية الخاصة بالاتحاد المصري لكرة القدم فهي بتكون 30 * 50 متر مربع وبتكون اجمال المساحة حوالي 1500 متر مربع وبتكون القدرة الاستيعابية للملعب حوالي 7 افراد والترك بيكون حوالي 100 سم من كل الاتجاهات .

وفي النهاية المساحة المتوسطة لملعب السباعي حوالي 33 * 53 على اجمالي 1749 متر مربع وزي ما قلنا ان القدرة الاستيعابية حوالي 7 افراد في الفريق الواحد .

كدة نكون عملنا تغطية لمعظم المساحات الخاصة بملاعب كرة القدم الخماسية والسداسية والسباعية وهنتكلم معاكم في مقالات تانية عن المساحات القانونية لملاعب كرة السلة والتنس وملاعب الاسكواش .

لو عندك اي استفسار عن اي شيئ وحابب اننا نساعدك اكتبلنا كومنت وهنرد عليك في اسرع وقت .